做Lionbridge的兼職廣告評估員(Personalized Internet Ads Assessor)三個月的心得

　我7/7畢業，明年才愛服役，所以我想欲先揣簡單的工課來做。我佇cake resume應徵四个頭路，只得著iyunomg的回應，講去伊的網站做測驗，等兩禮拜看有及格無。結果無過，進前有直接對Lionbridge提出申請，到七月下旬時收著批，我原本以為會得著兼職翻譯的機會，結果是兼職廣告評估員的機會。

　莫傷歡喜，愛先通過認證考試才會使提著offer。期限敢若是兩禮拜，愛kā教材看完、小考做完，然後去in的工作平台創認證考試的題目。我看房間有誠濟廢紙就用手寫，結果開的時間並我預料的濟，當初應該用evernote。

　最後我允著啦，時薪8.76美金，逐禮拜上濟創20點鐘。時薪我算255新台票，若是逐禮拜攏創20點鐘，一月日會使趁兩萬箍，明年二月服役。255*20*4=20,400，20,400*5=102,000。想到我服役前會有大約十萬箍的投資，心內有夠爽的啦(我蹛厝內予爸母飼)！你猜我八月十六開始做，八月總工時偌濟？

　10.04爾爾！tsit-má 9/20我才創4.85點鐘niâ，毋是我貧惰，是in無予我工課做！而且廣告的來源毋固定，有時是美國，甚至有印度的。我是申請台灣的職位呢！Ah，講著台灣的職位，任務標題寫(Chinese : Taiwan)指的應該是中文，來自台灣。但是我收著誠濟簡體字的廣告。

　所以我已經買三本金融證照的冊，koh有python爬蟲的課程。9/28上1111揣散工。

10/1:

10/7: 我揣著短期的工課--loh，兩點面試甲兩點半。我轉來時做四分鐘外的Lionbridge khang-khuè了後寫爬蟲的作業（結果10/8才寫完），食完暗頓後結果無任務通做，就去讀衍生商品。

10/9: 工課敢若無牢呢。11/12: 真正無牢lah。

10/16: 逐個月的收入是佇兩個月後付的。所以拄開始加入時愛兩月日才會收著錢，之後一月日收錢。8→10, 9→11, 10→12, 11→1 ...

11/12: 最近khang-khuè有較濟，我猜是按呢：我是用台語拼音來申請工作gmail，但是戶頭（佮護照）是用華語拼音，in擔心匯款會出問題，所以拄開始無予我khang-khuè來做。

毋過我已經感覺這个khang-khuè誠無聊，而且Lionbridge敢若kā台灣當作中國的一部分，(Chinese : Taiwan)會收著中國、香港、台灣的內容。

11/18: 哭爸，最近iū-koh無khang-khuè。

11/20: in寄批講我的表現無完全達著標準，愛koh創另外一个email。我創--lah，看覓會發生啥物tāi-tsì。

11/25: 昨昏in寄批叫我創重新認證的考試，佮平常的任務差不多。我決定退出。